Miratohet vendimi/ 10.5 milionë lekë shpronësime për rikualifikimin urban të sheshit në Urën Vajgurore

Këshilli i Ministrave ka miratuar vendimin për shpronësimin, për interes publik, të pronarëve të pasurive të paluajtshme, pronë private, që preken nga projekti “Rikualifikimi urban dhe sistemimi i sheshit në qendër të qytetit, Ura Vajgurore, lagjja “18 Tetori”, faza e dytë”.

Shpronësimi të bëhet në favor të Bashkisë Ura Vajgurore.

Pronarët e pasurive të paluajtshme, që shpronësohen, do të kompensohen, në vlerë të plotë, sipas masës përkatëse, që paraqitet në tabelën bashkëlidhur këtij vendimi, për pasuritë e llojit “tokë truall” dhe “ndërtesë”, me një vlerë të përgjithshme prej 10 milionë e 453 mijë lekësh.

Fondi i shpronësimit mbulohet nga buxheti i Bashkisë Ura Vajgurore.

Afati i përfundimit të shpronësimit të jetë 3 (tre) muaj pas datës së hyrjes në fuqi të këtij vendimi.

Pronarët e pasqyruar në tabelën që i bashkëlidhet këtij vendimi do të kompensohen, për efekt shpronësimi, pasi të kenë paraqitur dokumentacionin justifikues për likuidim pranë Bashkisë Ura Vajgurore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.