“Mirë se vjen Vjeshtë” – SHMU: Kjo javë pritet të jetë me vranësira, reshje lokale dhe diell!

Shërbimi Meteorologjik Ushtarak njofton se java që presim përpara parashikohet një tjetër javë “tipike” e vjeshtës me mot me vranësira por edhe ditë me diell pasi për ditën e Hënë moti do të jetë me vranësira mesatare dhe të dendura por edhe intervale të herëpashershme me diell.

Sipas informacionit të publikuar në zonën e jugut reshje shiu të herëpashershme me intensitet deri mesatar ndërsa në zonën e qendrës reshjet me intensitet të ulët dhe kryesisht orët e drekës ndërsa duke nisur nga dita e Martë deri dhe në mesditë të ditës së Enjte vendi do të ndikohet nga kushte të qëndrueshme atmosferike.

SHMU informon se moti parashikohet kryesisht i kthjellët pa munguar vranësirat kalimtare ndërsa gjatë ditës së Enjte pas orëve të mesditës nis depërtimi i vranësirave ndërsa në zonën e veriperëndimit dhe atë të jugperëndimit parashikohen reshje shiu me intensitet të ulët.

Sipas njoftimit java mbyllet me ditën e Premte me mot me vranësira të dendura ku vranësirat do të shoqërohen me reshje shiu me intensitet deri mesatar në formë shtrëngatash në të gjithë territorin ndërsa në orët e vona të mbrëmjes në veriperëndim dhe jugperëndim intensiteti i reshjeve deri i lartë në formën e stuhive dhe rrebesheve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.