Mish pa çertifikatë veterinare dhe pa vulë – AKU gjobit me 200 mijë lekë 2 subjekte tregtare

Trupat inspektuese të Autoritetit Kombëtar të Ushqimit kanë vijuar gjatë 24 orëve të fundit inspektime në 113 subjekte tregtare në të gjithë vendin, për garantimin e sigurisë ushqimore ashtu si edhe monitorimet në zbatim të akteve nomative kundër përhapjes së Covid -19.

Sipas njoftimit nga kontrollet e kryera në qytetin e Fierit, janë vendosur 2 masa administrative “gjobë” në dy subjekte që tregtonin mish pa vulë dhe pa certifikatë veterinare, në vlerën e 100.000 lekëve për secilën prej tyre. Gjithashtu është bërë bllokimi në të dyja subjektet i sasisë prej 21.3 kg mish me destinacion asgjësimin e tyre.

Gjithashtu AKU bën me dije se nga kontrollet e kryera në Tiranë, janë dhënë 8 masa administrative “paralajmërim” si dhe në Shkodër janë dhënë 2 masa administrative “paralajmërim” referuar shkeljeve dhe mangësive të konstatuara.

Autoriteti Kombëtar i Ushqimit në përputhje edhe të kërkesave të legjislacionit në fuqi, do të jetë i pranishëm në të gjithë vendin me zero tolerancë ndaj kujtdo tenton të abuzojë dhe përfitojë në kurriz të shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.