Mishi ‘i rremë’ në menu ndërsa Kina rihap restorantet dhe baret

Ndërsa Kina ka filluar rihapjen e restoranteve dhe bareve, nëpër menutë e tyre vihen re produkte të mishit “të rremë” me bazë bimore dhe vegjetale. Të Mërkurën, Beyond Meat filloi të shiste ushqimin e saj me bazë bimore në Kinë përmes mijëra kafeneve Starbucks.

Zinxhiri i ushqimit të shpejtë KFC tha se do të fillojë gjithashtu të shes krahë pule ‘të rreme’ duke filluar nga java e ardhshme. Ndërsa Kina rimëkëmbet nga shpërthimi i koronavirusit, më shumë njerëz po kërkojnë të konvertojnë stilet e tyre të jetesës në një formë më të shëndetshme.

Me qendër në SHBA, Beyond Meat tha se kishte “vënë re kërkesën në rritje për mish me bazë bimësh në Kinë” dhe po ofron tre vakte në 3,300 Starbucks në Kinë. Shumica e dyqaneve Starbucks në vend tani janë rihapur, pasi u detyruan të mbylleshin që në fund të janarit.

Këtë javë, KFC tha se do të fillojë shitjen e pulave të skuqura me bazë bimore për herë të parë në Kinë për një periudhë prove në Shanghai dhe qytetet jugore të Guangzhou dhe Shenzhen. Markat perëndimore shpresojnë të për një kërkesë në rritje për zëvendësuesit e mishit në Kinë, pas një tendence globale për të ngrënë më pak mish dhe më shumë ushqime me bazë bimore.

Kina po lufton gjithashtu me një mungesë mishi, veçanërisht furnizime derri, pasi gripi afrikan i derrit përgjysmoi sasinë e tyre në vitin 2018. Dhe më pas Kina pati vështirësi në importin e mishit për shkak të kufizimeve prej virusit në fabrikat në të gjithë botën.

Por risia e Starbucks, KFC dhe Beyond Meat përballet me sfida për të bindur konsumatorët kinezë të hanë mishin e tyre të ‘rremë’ me bazë bimore. “Kërkesa për proteina më të shëndetshme, jo të mishit nuk është aq e lartë në Kinë sa në SHBA sepse kinezët tashmë hanë më shumë perime si pjesë e dietës së tyre të përditshme sesa amerikanët dhe europianët. Është relativisht e rrallë që kinezët të thonë se janë vegjetarianë”, tha Shaun Rein në Grupin e Kërkimeve të Tregut në Kinë.

Në Mbretërinë e Bashkuar, kompanitë e ushqimit të shpejtë, nga Greggs te McDonald’s dhe Burger King tek KFC, kanë nisur, ose shpallur, opsione vegane tashmë.(BBC)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.