“Misionet” e Ministrit të Diasporës: Nga Agjencia te koordinimi i procesit të votimit të emigrantëve e inkurajimi i investimeve të huaja

Një dikaster i ri qeveritar i krijuar është ai për diasporën. Kjo ministri do të drejtohet nga Pandeli Majko. Në mbledhjen e parë zyrtare, kabineti ka miratuar edhe vendimin që përcakton fushën e veprimit të kësaj ministrie.

Misioni i ministrit të Shtetit për Diasporën është të përfaqësojë e nxisë politikat e bashkëpunimit dhe të ndërveprimit me të gjithë shqiptarët, duke nxitur e fuqizuar bashkëpunimin në të gjitha fushat me shqiptarët jashtë kufijve të Republikës së Shqipërisë dhe shtetet ku ata banojnë.

Ndër të tjera, ministri i Shtetit për Diasporën do të ketë detyrë koordinuese në procesin  e regjistrimit dhe pjesëmarrjes së diasporës në votime, në bashkëpunim me Ministrinë e Brendshme dhe Ministrinë e Drejtësisë. Një detyrë tjetër është edhe krijimi i Agjencisë Shtetërore të Diasporës.Në bashkëpunim me ministritë përgjegjëse, kjo ministri do të ketë në fokus të punës inkurajimin e investimeve të huaja në Shqipëri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.