Mjaft abuzimeve nga kompanitë, vjen ligji i ri – Nis shqyrtimi në Kuvend i draftit të padive kolektive për shkeljet e të drejtave të konsumatorëve
Ka nisur procesin e shqyrtimit dhe miratimit në Kuvend projektligji për paditë kolektive, i cili do t’u japë mundësinë individëve t’i drejtohen në grup gjykatave në rast shkeljesh nga kompanitë. Drafti i bërë publik në fillim të këtij viti përmes Televizionit Scan synon t’u japë zgjidhje qytetarëve ndaj praktikave tregtare që shkelin interesat e konsumatorëve.
Drejtuesja e programit që përgatiti draftin shpjegoi në Emisionin Vetting.al se qëllimi i këtij projektligji është krijimi i instrumentit ligjor të padisë kolektive, i cili do të lehtësonte aksesin në drejtësi, do të ndalonte dhe parandalonte sjelljen e paligjshme dhe do t’u mundësonte personave të dëmtuar të kompensohen në rastet e dëmeve kolektive për shkak të shkeljeve të të drejtave civile, të drejtave ekonomike dhe shkeljet në marrëdhëniet e punës.
Miratimi i ligjit për paditë kolektive kërkon shumicë të thjeshtë dhe pritet të futet javët e ardhëshme në rendin e punës.
Lorenc Rabeta/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.