Mnuchin, dialog me bankat e mëdha – “Kanë likuiditet mjaftueshëm për t’u bërë ballë trazirave”

Sekretari i Thesarit, Steven Mnuchin ka zhvilluar telefonat me krerët ekzekutiv të 6 bankave më të mëdha në Shtetet e Bashkuara, për të rritur besimin te sistemi financiar i vendit, në një kohë të trazirave në tregje.

“Të gjitha bankat konfirmuan se kanë likuiditet të bollshëm për huadhënie drejt konsumatorëve dhe bizneseve”, deklaroi Thesari në SHBA. Mnuchin foli me kreun e JP.

Morgan, Jamie Dimon, Brian Moynihan të Bank of America, David Solomon të Goldman Sachs, James Gorman të Morgan Stanley, Tim Sloan të Wells Fargo dhe Michael Corbat të Citigroup.

“Ne vazhdojnë të shohim vrull në ekonominë amerikane me aktivitet të fortë nga konsumatorët dhe bizneset”, tha Mnuchin.

Mnuchin po përballet me disa çështje që i kanosen investitorëve dhe sistemit financiar. Shitja nën panik në tregun e aksioneve çoi indeksin Doë Jones në rënien më të keqe në 10 vite.

Një tjetër çështje është përplasja e presidentit Donald Trump me Rezervën Federale për rritjen e normave të interesit, çështje që u fry deri në raportimet se presidenti kërkon të pushojë kryetarin e bankës.

Problemi tjetër është mbyllja e qeverisë që pritet të zgjasë deri ditën e Enjte.

“Ndërkohë që Qeveria është mbyllur, Thesari do të ketë punëtorë emergjentë që të mirëmbajnë operacionet bazë në Shërbimet Fiskale, Agjencinë e mbledhjes së taksave (IRS) dhe funksione të tjera kritike brenda departamentit”, deklaroi Mnuchin.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.