Mobiljet nuk do t’i blejmë më por do t’i marrim me qira! Si kompania gjigande synon të ndryshojë tregun me modelin e ri të biznesit

Gjigandi suedez i mobilimit IKEA ka nisur të ofrojë mobilie me qira duke hapur në këtë mënyrë rrugën për një model të ri biznesi. Kjo raportohet nga “Financial Times” dhe risillet edhe nga “ANSA”, që evidentojnë se eksperimenti ka nisur nga Zvicra për t’u zgjeruar më pas në tregjet e tjera.

“Do të punojmë me partnerët tanë në mënyrë që të lehtësojmë rrugën e qiramarrjes. Pasi përfundon periudha e qirasë, mobiliet zëvendësohen dhe ne mund të marrim të tjera. Në vend që t’i hedhim tutje, ne i rivendosim në treg dhe mund t’i shesim, duke zgjatur kështu ciklin e jetës së produkteve” shpjegon Torbjorn Loof, administrator i deleguar i “Inter Ikea” në një intervistës për Financial Times. IKEA shpreson se do të arrijë në një model abonimi për lloje të ndryshme mobilimi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.