Modën e dronit e ndjek edhe policia në Itali – Kap mallrat e falsifikuara në plazh

Çdo ditë po gjehen mënyra të reja për të vënë në punë dronët, jashtë përdorimit të tyre të zakonshëm. Forcat e policisë janë gjithmonë e më të interesuara për mundësitë që krijon monitorimi me dron dhe tashmë kanë filluar ta vënë në zbatim.

Policia Bashkiake e Cecinas, një komune pranë Livornos në Itali, po monitoron plazhet për të kapur shitësit abuzivë me mallra të falsifikuara. Falë monitorimit nga ajri, është bërë e mundur sekuestrimi i 200 rrobave të banjos, 20 çantave e shumë mallrave të tjera si këpucë dhe orë.

Komina e Cecinas ka qenë ndër të parat që ka aktivizuar monitorimin me dron të fenomenit abuziv, ndërkohë që duke parë suksesin, ai pritet të shtrihet në shumë bashki të tjera.

Ndërkohë, në Shqipëri, Policia Rrugore ka nisur operacionet nga ajri për të kapur materiale filmike që vërtetojnë shkeljet si parakalimet e gabuara, respektimin e përparësisë në rrethrrotullime, matjen e distancës së sigurisë mes mjeteve, etj.

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.