Moderna merr aprovimin nga FDA/ Të moshuarit, të parët në radhë

Vaksina e COVID – 19 e kompanisë Moderna u bë e dyta që mori autorizimin për përdorim emergjent (EUA) nga Administrata e Ushqimit dhe Barnave të Shteteve të Bashkuara të Amerikës.

FDA njoftoi autorizimin një ditë pasi paneli i ekspertëve të jashtëm të Agjencisë miratoi përdorimin e saj dhe një javë pasi FDA autorizoi vaksinën e Pfizer dhe partnerit të saj gjerman, BioNTech.

Vaksina nga Pfizer dhe BioNTech, bazuar në teknologji të ngjashme, është vënë në “duart” e mijëra punonjësve të kujdesit shëndetësor amerikanë këtë javë, në një shpërndarje masive në të gjithë vendin. Vaksinat e kompanisë Moderna pritet të fillojnë në ditët në vijim, për të rriturit, 18 vjeç e lart.

“Me disponueshmërinë e dy vaksinave tani për parandalimin e COVID-19, FDA ka ndërmarrë një hap tjetër thelbësor në luftën kundër kësaj pandemie globale që po shkakton një numër të madh të shtrimeve në spital dhe vdekjeve në Shtetet e Bashkuara çdo ditë” tha në një deklaratë komisioneri i FDA-së, Stephen M. Hahn.

Burimi origjinal: Reuters

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.