Moderna po teston një vaksinë të re kundër varianteve të Covid-19!
Paul Burton, kreu i kompanisë Moderna, nuk ka më dyshime dhe shprehet se vaksina është e sigurt për të rriturit dhe do të jetë e sigurt edhe për fëmijët. Deri më tani kompania ka mbledhur të dhëna për 150 milionë njerëz dhe nuk regjistruar asnjë rrezik veç disa rasteve të rralla të miokarditit tek adoleshentët.
“Ato janë të përqendruara te meshkujt ndërmjet 18 dhe 24 vjeç në dozën e dytë, por janë të lehta dhe me kohëzgjatje të shkurtër”, shpjegon shefi i mjekësisë i bioteknologjisë amerikane, me diplomë në kardiologji në Londër.
Burton thotë se përditësimi i një vaksine ARN është një operacion i thjeshtë, por ajo që po përdoret aktualisht prodhon antitrupa efektivë edhe kundër variantit Delta.
“Deri tani nuk e kemi parë të dobishme modifikimin e tij, përveçse në laborator dhe ndërkohë po testojmë edhe vaksinën e përditësuar, por gjithsesi preferojmë të përdorim atë origjinale. Ne do ta ndryshojmë atë vetëm nëse do të shfaqeshin variante më problematike se Delta”, është shprehur Burton.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.