Modernizohen doganat me Kosovën – Çelet tenderi për projektimin e PKK të Hanit të Hotit
Pas doganës së Morinë-Vërmicës, Drejtoria e Përgjithshme e Policisë do të rehabilitojë plotësisht edhe pikën e kalimit kufitar Hani i Hotit. Aktualisht po realizohet projekti i ndërtimit të PKK dhe Terminalit Doganor, ndërsa tashmë është hapur gara për projektimin e strukturës së re, që do të zëvendësoje ndërtesën ekzistuese, e cila do të prishet për shkak të amortizimit.
Qendra e re do të jetë e pajisur me ambiente të veçanta për drejtuesit dhe specialistët e ndryshëm, ambiente për mbledhje dhe ndërrimin e punonjësve, ambienti për marrjen e gjurmëve, për trajtimin shëndetësor, për trajtimin ushqimor dhe për shoqërimin e shtetasve.
Fondi i caktuar vetëm për studimin e projektimin e kësaj vepre është prej 1 milionë lekësh, ndërsa zbatimi pritet të arrijë një vlerë të afërt me atë të Doganës së Vërmicës, në 71.5 milionë lekë.
Projekti i rehabilitimit të pikave kufitare që lidhin me Kosovën përkojnë edhe me planin e shpallur gjatë mbledhjes inaugurale të vitit të Skënderbeut në takimin e dy kryeministrave, për të krijuar një kufi të ngjashëm me vendet e Bashkimit Europian.
Brenda vitit të ardhshëm u premtuar që do të hiqen kontrollet në këto pika doganore dhe të garantohet lëvizja tërësisht e lirë.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.