Monarch Airlines anullon të gjitha fluturimet : Mbi 110 000 pasagjerë të bllokuar dhe shumë që po përballen me humbjen e parave të tyre
Monarch Airlines pësoi sot një kolaps duke lënë më shumë se 110 000 turistë britanikë të bllokuar jashtë shtetit të tyre. Qeveria ka urdhëruar Autoritetin e Aviacionit Civil të nëshkruajë më shumë se 30 avionë për t’i sjellë pasagjerët gjatë dy javëve të ardhshme.
Kolapsi më i madh që ka goditur ndonjëherë linjën ajrore të Mbretësisë së Bashkuar ndodhi në orën 3 të mëngjesit, kur të gjithë aeroplanët ishin në fluturim dhe mund të konfiskoheshin. Administratorët kanë konfirmuar se turistët do të rikthehen në shtëpi falas ose do të marrin rimbursim të plotë të rezervimeve.
Ndërkohë, më shumë se 2 100 punonjës të Monarch mësuan këtë mëngjes se kishin humbur punët e tyre për shkak të rrëzimit të avionit. Shefi ekzekutiv i AAC-së Andrew Haines, tha se fluturimet e udhëtarëve do të jenë pa kosto shtesë dhe nuk do të kenë nevojë që ata të shkurtojnë qëndrimin e tyre.
Sekretari i Transportit Chris Grayling tha: “Së bashku me Autoritetin e Aviacionit Civil ne do të punojmë për t’u siguruar uthëtarëve të Monarch që të marrin mbështetjen që u nevojitet.”
Ai shtoi më tej se askush nuk duhet ta nënvlerësojë këtë problem, duke u kërkuar njëkohësisht udhtarëve që të jenë të durueshëm dhe të veprojnë bazuar te këshillat e dhëna nga AAC-ja.
Genta Dobra/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.