Monitorime dhe kontrolle në shkolla e kopshte – AKU realizon rreth 400 inspektime dhe 30 paralajmërime në të gjithë vendin
Trupat inspektuese të AKU-së kanë kryer gjatë ditës së sotme 387 inspektime dhe monitorime në të gjithë vendin edhe si pjesë e Task-Forcës Anti-Covid duke vijuar me këshillime dhe monitorime në të gjitha bizneset me qëllim zbatimin rigoroz të protokollit të sigurisë kundër përhapjes së virusit Covid -19.
Sipas AKU një vëmendje e veçantë këtë periudhë po i kushtohet në monitorime kopshteve dhe shkollave në kuadër e fillimit të vitit shkollor 2020-2021, në zbatimin e protokolleve, higjienizimit të ambienteve si edhe zbatimit në vijim të protokollit të përcaktuar të sigurisë.
AKU bën me dije se gjatë inspektimit nëpër biznese janë dhënë 30 paralajmërime përgjithësisht për mungesë të librezave shëndetësore, ambiente të pasistemuara, mungesë të rrjetave mbrojtëse nëpër dritare, mungesë plani 3D etj. dhe referuar Planit të Marrjes së Mostrave janë marrë 26 mostra, kryesisht në monitorim të qumështit dhe në perime për analizim të mbetjeve pesticide.
Autoriteti Kombëtar i Ushqimit vazhdon pandërprere punën në terren në garantim të sigurisë ushqimore dhe mbrojtjes së shëndetit të konsumatorit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.