“Mos i bini vetë mureve të shtëpisë”, Rama paralajmëron abuzuesit, bën apel ndaj bashkive për dhënien e qerasë
Në mbledhjen e Komiteti Kombëtar të Rindërtimit kryeministri Rama ka bërë edhe një bilanc të të gjithë banorëve që kanë përfituar bonus qeraje në fazën e parë të evidentimit, duke u shprehur se situata e akomodimit është drejt mbylljes:
Me zonën e Tiranës i kemi mbyllur sistemimin me shtëpi me qira, po akomodojmë në çadra ato të zonave rurale. Pastrimi i territorit nga inertet vazhdojnë, përfitimet financiare janë vendosur dhe brenda kësaj jave mbyllet dhurimi i apartamenteve për familjet me viktima.
666 familja janë aprovuar si përfituese e fondit me qira. Në Durrës nuk ka më apartamente, 1120 familje 922 janë akomoduar, pjesa tjetër në akomodim e sipër”, tha Rama.
Shefi i ekzekutivit nuk harroi t’u drejtonte një mesazh edhe atyre personave që sipas tij, dëmtojnë qëllimisht banesat e tyre duke shpresuar se mund të marrin ndihmë nga strukturat shtetërore:
“Ka raste që iu bien mureve me vare, por kjo histori ka një cak. Unë iu them të gjithëve të mos bëjnë gjëra të tilla. Programi bëhet për ata që kanë humbur strehën edhe nuk futen dot në shtëpinë e tyre. Në këtë pikë duhet të jem shumë i qartë se është e pamundur të bëjmë atë “shto, shto, shto”. Kemi nëpër hotele njerëz që i kemi mbajtur, sepse janë të traumatizuar etj etj. ”-tha Rama.
Shefi i qeverisë në fjalën e tij para Komitetit Kombëtar të Rindërtimit iu bëri apel bashkive, që të garantojnë marrëveshjet e bonusit të qirave për familjet e prekura nga tërmeti i 26 nëntorit.
“Për qiratë, që ne kemi detyrimin, bashkitë duhet të garantojnë marrëveshjet. Në duhet të bëjmë një kontratë garancie që brenda majit 2021, ne marrim përsipër strehimin tënd. Cilido që mund të mos marrë atë që i takon sipas kontratës ka të drejtë ta vendosë qeverinë para përgjegjësisë”-tha Rama.
Geri Kolgega / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.