Mos respektim të protokolleve të sigurisë – AKU vendos 16 masa administrative dhe kryen mbi 500 inspektime në të gjithë vendin
AKU bën me dije se ka kryer 534 inspektime dhe monitorime gjatë 24 orëve të fundit në të gjithë vendin.
Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë 16 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD.
Ndërkaq AKU njofton se referuar Planit të Marrjes së Mostrave janë marrë 48 mostra në monitorim të produkteve qumësht dhe në analizim të produkteve fruta-perime për mbetje te pesticideve.
AKU si pjesë e Task-Forcës po vijon me monitorimet në të gjitha kategoritë e bizneseve për zbatim të protokolleve si dhe bën me dije se ka kryer inspektime dhe monitorime dhe ka këshilluar 621 qytetarë për mbajtjen e maskës në zbatim të protokolleve të sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.