Moti bën ‘kthesë’ – Ndërpriten ditët me diell, rikthehen reshjet e shiut në të gjithë vendin!
Sipas njoftimit të Shërbimit Meteorologjik shqiptar të mërkurën e deri të premten vendi do të përfshihet hera herës nga vranësira të dendura. Këto do të pasohen nga reshje shiu hera herës në formën e shtrëngatave me rrufe e breshër, situatë tipike e pranverës.
“Më i paqëndrueshëm parashikohet moti ditën e parë të Majit, ku gjatë orëve të mesditës e pasdites priten reshje intensive. Në stinën në të cilën jemi është e kuptueshme që rrebeshet e shiut janë të përkohshme dhe shpesh i lenë vendin diellit,” shkruhet në njoftimin e SHM.
Sipas njoftimit era, do të fryjë kryesisht nga kuadrati jugut hera herës e vrullshme. Ditë me erë të fortë parashikohet e premtja, kur do të ketë dhe det të trazuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.