Moti i acartë, DPSHTRR udhëzon të gjithë drejtuesit e mjeteve: “Këshillat që duhet të ndiqni për të shmangur aksidentet”

Shqipëria është përfshirë nga një mot i acartë me dëborë dhe ngrica. Drejtoria e Përgjithshme e Shërbimeve të Transportit Rrugor disa udhëzime për drejtuesit e automjeteve që duhet t’i kenë parasysh për të shmangur aksidentet.

Këshillat e DPSHTRR:

Drejtoria e Përgjithshme e Shërbimeve të Transportit Rrugor udhëzon drejtuesit e mjeteve të tregojnë kujdes të veçantë gjatë udhëtimit në ditët me mot të acartë. Në publikimin në faqen zyrtare të DPSHTRR, këshillat përfshijnë:

1. Verifikimin që sistemet e ngrohjes së kabinës, xhamave dhe pasqyrave funksionojnë në mënyrën e duhur;

2. Përdorimi i antifreeze për sistemin e ftohjes së motorit;

3. Qarkullimi vetëm me goma të përshtatshme për stinën e dimrit;

4. Mbajtja gjithnjë në makinë mjetet e domosdoshme për qarkullimin në temperatura ekstreme (zinxhirë, pastruese për akullin e xhamave, etj.)

5. Kur ka dëborë apo ngricë, koeficienti i fërkimit me asfaltin ulet ndjeshëm, ndaj duhet ruajtur distanca e sigurisë shtesë nga mjeti që paraprin;

6. Mos kryerja e manovrave të nxituara veçanërisht në prani të dëborës;

7. Qytetarët duhet të tregohen të kujdesshëm me frenimin dhe rrotullimet e timonit.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.