Moti i keq ndikon në transportin detar, ndërpriten udhëtimet! Autoriteti Portual Durrës: Situata është e paqendrueshme
Situata e paqendrueshme meteorologjike, e cila vazhdon të jetë prezente në Gjirin e Durrësit, ka ndikuar edhe në veprimtarinë portuale.
Autoriteti Portual Durrës njofton se asnjë nga tragetet e linjës me brigjet italiane nuk është nisur nga Porti i Durrësit mbrëmjen e kaluar, ndërsa mëngjesin e sotëm rreth orës 08:30 është nisur trageti Durrës-Bari.
Po ashtu edhe nga Porti i Barit nisja e tragetit të linjës është me vonesë dhe pritet të mbërrijë në Portin e Durrësit pas mesditës. Forca e erës pritet të rritet dhe për pasojë është ndërprerë përkohësisht përpunimi i anijeve tregtare.
“Nuk është rregjistruar asnjë incident deri në këto momente, ndërkohë që jemi në monitorim të vazhdueshëm të situatës. Për ne, garantimi i kushteve të përshtatshme dhe siguria janë prioritet!” njofton Autoriteti Portual Durrës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.