Moti i keq në vend, Xhaçka: Situata e njëjtë edhe për 24 orë, masat e marra
Moti i keq që ka përfshirë vendin pritet të vazhdojë të paktën edhe për 24 orët e ardhshme. Ministrja e Mbrojtjes Olta Xhaçka në një dalje për media bëri një bilanc të situatës aktuale, nga qarqet më të prekura, te masat e marra e deri të apeli ndaj qytetarëve për të treguar kujdes.
“Që prej mesditës së djeshme territori i vendit është përfshirë nga reshje të dendura dëborë, duke vështirësuar qarkullimin dhe duke krijuar kufizime për komunitetin në disa prej qarqeve të vendit tonë. Situate pritet të jetë e njëjtë dhe për 24 orët e ardhshme. Aktualisht, qarqet më të prekura janë Shkodra, Kukësi, Korça, Gjirokastra, Dibra dhe Elbasani. Akset rrugore kombëtare janë të gjitha të qarkullueshme, me përjashtim të aksit Tepelenë Gjirokastër, aktualisht është i bllokuar në vendin e quajtur Uji i Ftohtë dhe në një pjesë në aksin Gjirokastër – Kakavijë. Sa i përket akseve rurale të bllokuara, janë akset ën zonat e thella malore, kryesisht në qarqet Shkodër, Kukës, Gjirokastër, Dibër dhe Elbasan”.
Ministria po bashkëvepron më një sër institucionesh të tjera.
“Ministria e Mbrojtjes, përmes Drejtorisë së Përgjithshme të Emergjencave Civile si dhe Shtabi i Përgjithshëm i Forcave të Armatosura janë në kontakt të vazhdueshëm, me 5 ministritë e linjës si edhe me Autoritetin Rrugor Shqiptar; Policinë e Shtetit; me Operatorin e Shpërndarjes së Energjisë Elektrikë, Korporatën Elektroenergjitike Shqiptare, Operatorin e Sistemit të Shpërndarjes; Institutin e Gjeoshkencave, Energjisë, Ujit dhe Mjedisit, me 12 prefektët si dhe me njësitë vetëqeverisjes vendore”.
Për të patur situatën në kontroll, ministrja tha se mbi 2 mijë efektivë janë në gatishmëri.
“Janë aktivizuar mbi 100 mjete që përdoren për hapjen e akseve me probleme. Mbi 2 mijë efektiv të forcave të armatosura për Policisë së shtetit, punonjës të OSHEE dhe të shëndetësisë janë në gatishmëri të plotë për tu gjendur pranë banorëve të çdo problem. Helikopterët e forcës ajrore dhe të ekuipazhet e tyre janë në gatishmëri të plotë për të ndërhyrë nga ajri për t’iu përgjigjur të gjitha kërkesave shëndetësore apo problemeve agroushqimore në të gjitha ato fshatra të cilat janë të izoluara nga mot i keq”.
Firmat kontraktore në të gjitha bashkitë duhet të respektojnë kontratën, në të kundërt do të penalizohen sipas ligjit.
“Që të eliminojmë problemet ju bëjë thirrje firmave kontraktore në të gjitha bashkitë që të respektojnë kontratat për mirëmbajtjen dhe zhbllokimin e akseve rrugore në rast të bllokimit të tyre. Sa më korrekt të tregoheni aq më lehtësi dot ë ketë për qytetarët. Ju bëj me dje të gjitha këtyre kompanive të cilat mund të mos respektojnë kontratat për mirëmbajtjen e rrugëve, se në çdo rast po monitorohen dhe do kenë penalizim sipas ligjit.
Ministrja iu bënë thirrje të gjithë qytetarëve të evitojnë daljet e panevojshme nga shtëpia.
“Siguria juaj është misioni ynë kryesorë. Ndaj do të kërkonim të evitonit daljet e panevojshme nga shtëpitë. Për të gjithë ju që keni nevojë asistencë ti drejtoheni ambienteve që kanë ngritur pushtetet vendore për këtë situatë ose ti drejtoheni shtabit të përgjithshëm”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.