Moti i keq/Reshje të dendura bore në segmentet Librazhd-Përrenjas dhe Tepelenë-Kakavijë
Është rritur intensiteti i reshjeve të borës përgjatë segmenteve rrugore Librazhd-Përrenjas dhe Tepelenë-Kakavijë. Lajmin e ka bërë të ditur Autoriteti Rrugor Shqiptar, i cili po monitoron edhe situatën në terren.
Si rrjedhojë e reshjeve të dendura të borës, ARRSH fton të gjithë drejtuesit e mjeteve të tregojnë kujdes gjatë qarkullimit dhe të ndjekin gjithashtu udhëzimet e Patrullës Rrugore.
“Menjëherë pas raportimit nga terreni ju njoftojmë se në segmentet Librazhd–Përrenjas dhe Tepelenë–Kakavijë ka reshje të dendura bore.
Rikujtesë për të gjithë drejtuesit e mjeteve të tregohen shumë të kujdesshëm, të përdorin zinxhir, të respektojnë sinjalistikën dhe të ndjekin udhëzimet e Patrullës Rrugore.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.