Moti i thatë kërcënon mbjelljen e grurit – Do të ketë sipërfaqe më të vogël të mbjelljes në Ukrainë dhe Rusi

Moti i thatë i vazhdueshëm mund të godasë mbjelljen grurit gjatë Dimrit në Ukrainë  dhe do të sjellë një zonë më të vogël të mbjelljes në Rusi, sipas analistëve dhe parashikuesve të motit.  Fermerët  në Rusi, që është eksportuesi më i madh në botë i grurit, kanë mbjellë deri më tani grurin për Dimrin në 17.5 milionë hektarë, në rënie nga 18.2 million hektarë në të njejtën periudhë një vit më parë, sipas ministrisë së Bujqësisë.

Ukraina, gjithashtu ndër eksportuesit kryesor të grurit, ka mbjellë vetëm 6.5 milionë hektarë,  deri më 25 Tetor,  ç;ka përfaqëson 85% të zonës së pritur. Rusia pritet të nisë Dmirin me më pak fertilizues në disa rajone, për shkak të rritjes së çmimeve në botë të lëndëve ushqyese për të korrat, sipas analistëve. Megjithatë, kushtet e motit në disa zona janë më përfituese se një vit më parë,  sipas analistëve, që thonë se rënia e mbjelljeve mund të kompensohet nga zonat më të mëdha të mbjelljes në Jug të Rusisë, ku po procedohet në ritëm rekord.

Firma e konsulencës së bujqësisë, Sovecon, pret që të korrat totale të grurit për vitin 2022 të rriten në 80.7 milion ton, nga 75.5 milionë në vitin 2021.  Kushtet anormale të motit të thatë kanë goditur mbjelljen në 2 rajonet më të mëdha prodhuese të Ukrainës, Zaporizhzhia  dhe Odessa, ku gruri i Dimrit është mbjellë në 67% dhe 37% të zonës që pritej, në mënyrë respektive.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.