Mpiksja e gjakut nga vaksina e AstraZeneca / Rregullatori britanik: Ka prova që ndodh më shpesh tek femrat

Rregullatori i barnave në Britani deklaroi se ka patur prova që mpiksjet e rralla të gjakut të lidhura me vaksinën e AstraZeneca kanë ndodhur më shpesh tek gratë se tek burrat, por shtoi se diferenca ka qenë e vogël.  Zyrtarët britanikë kanë thënë më parë se ndodhia e efekteve anësore lidhej vetëm me moshën, pa patur ndonjë shpjegueshmëri me gjininë,  duke theksuar se më shumë gra janë vaksinuar krahasuar me burrat.  “Tashmë ka disa prova që norma e incidencës së raportuar është më e lartë tek femrat krahasuar me meshkujt, pavarësisht se nuk është parë tek të gjithë grupmoshat dhe ndërkohë, diferenca është e vogël”- deklaroi Agjencia e Barnave dhe Produkteve Mjekësore në përditësimin javor.  Vaksina e AstraZeneca e Covid-19 ka qenë subjekt i mbikëqyrjes mbi çështjen e mpiksjeve të rralla të gjakut, me një normë më të lartë të incidencës tek të rinjtë. Disa vende, përfshirë Britaninë, kanë rekomanduar që vetëm njerëzit mbi një nivel të caktuar moshe mund të marrin vaksinën.  Në të dhënat e fundit javore, rregullatori britanik theksoi se norma e mpiksjes së rrallë të gjakut dhe nivelit të ulët të trombociteve ishte 10.5 për 1 milionë  doza,  krahasuar me 9.3 milionë në javën e kaluar.   Ekzistonin 242 raste të mpisjes, me 6 prej tyre që kanë ndodhur pas dozave të dyta. Deri më 28 Prill, janë administruar 22.6 milionë doza të para të vaksinës së AstraZeneca, me 5.9 milionë doza të dyta.  “Udhëzimi ynë vazhdon të qëndrojnë se përfitimet nga vaksina i tejkalojnë rreziqet tek shumica e njerëzve”- deklaroi rregullatori.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.