MSH: 51.1% të totalit të infektuarve me Covid-19 janë shëruar/ Listës i janë bashkuar dhe 9 persona të tjerë
Në komunikim e përditshëm të Ministrisë së Shëndetësisë ditën e sotme, u bë me dije se janë konfirmuar 15 raste të reja, ku 9 prej këtyre rasteve ndodhen në Tiranë. Deri më tani, numri total i të infektuarve ka shkuar në 678 raste, 10% të totalit të testimeve.
Mirëpo, vlen të theksohet se gjithashtu 9 raste të tjera i janë bashkuar totalit të personave të shëruar nga ky virus, i cili arrin shifrën e 394 individëve, dukë përbërë kështu 51.1% të totalit të infektuarve. Kjo nënkupton se numri i të shëruarve është më i lartë se numri i të prekurve i cili përbën 41.9% të totalit të personave aktiv me Covid-19.
Kjo tendencë vijon të jetë e qëndrueshme, edhe pse 38 pacientë janë ende të shtruar në të dy spitalet e vëna në dispozicion për pandeminë.
Harta ditën e sotme është zgjeruar më tej, me Tiranën, Mirditën, Shkodrën dhe Hasin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.