Muajt e ardhshëm të vështirë! Manastirliu: Të shmangim mbingarkimin e spitaleve, qytetarët të respektojnë rregullat
Nga foltorja e Kuvendit Ministrja e Shëndetësisë Ogerta Manastirliu ka përsëritur thirrjen se të gjithe duhet të respektojnë rregullat për të mos krijuar mbingarkesë të spitaleve muajt në vijim. Ajo tha të enjten se po hapet dy spitalet e rinj Covid, ndërkohë që në funksion të pandemisë do të vihen edhe spitalet rajonale.
Kuvendi miratoi edhe marrëveshjen me aleancën Gavi, për pjesëmarrjen në strukturën global të qasjes në vaksinat COVID-19, duke synuar sigurimin e vaksinës në momentin që ajo do të jetë gati. Përmes kësaj marrëveshje Shqipëria angazhohet të paguajë rreth 4 mln USD, një pagesë që është e pakthyeshme. “COVAX Facility” është një mekanizëm ndërkombëtar që koordinon resurset dhe kërkesën për vaksinë ndaj COVID-19 me kapacitetet prodhuese të kësaj vaksine.
Fillimisht, do të furnizohen të gjitha vendet me mjaftueshëm doza për të mbuluar 20% të popullsisë. Për Shqipërinë numri i dozave arrin në 1 140 000, ku kategoritë më në risk do të vaksinohen me 2 doza.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.