Multi-milioneri gjerman kërkon 10 persona “të lezetçëm” që të jetojnë me të në “parajsën” që ka krijuar. Njoftimi në gazetë
Një multi milioner gjerman po kërkon 10 persona për të jetuar në “parajsën” që ka krijuar në Zelandën e re. Dhe më e bukura, pa asnjë pagesë…
Karl Reipen,biznesmen i njohur në sektorin e kafesë, ka blerë “Awakino Estate”, pranë New Plymuth më Zelandën e Re, pasi ra në dashuri me pamjen piktoreske që ofronte prona.
“Parajsa” e Reipen gjendet 90 minuta larg qyteteve të mëdha.
Ai e bleu në vitet 2000 pronën dhe me kalimin e viteve ndërtoi aty një vreshtë dhe kantinë vere, disa shtëpi dhe peisazhe të ndryshme me pamje nga deti.
Por në shtypin lokal ai ka publikuar në njoftim ku u bën thirrje personave nga mosha 18-70 vjeç që t’i bashkohen atij për të jetuar në “parajsën” që ka krijuar. Janë 10 persona që do të përzgjidhen dhe kriteri është që të jenë interesantë.
Njoftimi që është publikuar dy herë shkruan se “të interesuarit mund të jetojnë në shtëpi për dy persona dge të bashkëndajnë ambientet e kantinës së verës për takimke sociale dhe për të ngrënë darka”.
Reklama që ai ka bërë në fakt nuk jep më shumë të dhëna se çfarë kriteresh duhet të plotësojnë të interesuarit dhe se si do të bëhet procesi i përzgjedhjes. Megjithatë,nga njoftimi mund të kuptohet se ata duhet të jenë të përgatiotur të jetojnë të izoluar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.