Mund të votoni edhe me kartë të skaduar. Këshilli Ministrave shtyn deri më 30 prill vlefshmërinë e kartave të identitetit
Afati i vlefshmërisë së kartave të identitetit, që skadojnë përpara datës 25 prill, është shtyrë deri më datë 30 prill. Vendimi është marrë në mbledhjen e Këshillit të Ministrave, që i jep të drejtën e votës edhe personave që iu skadon karta e identitetit, përpara kësaj date.
Ky vendim është marrë pas propozimit të ministrit të Brendshëm, Bledi Çuçi, por edhe apelit të Presidentit Ilir Meta, kreut të KQZ, Ilirjan Celibashi, dhe opozitës.
Në vendim thuhet: “Në mbështetje të nenit 101 të Kushtetutës, me propozimin e ministrit të Brendshëm, Këshilli i Ministrave që afati i vlefshmërisë së letërnjoftimit elektronik të shtetasve shqiptarë, që përfundon deri në datën 25 prill 2021, zgjatet deri në datën 30 prill 2021.”
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.