Mungesa e protokollit të sigurisë kundër përhapjes së virusit – AKU vendos masa administrative dhe bllokon një aktivitet tregtar

Trupat inspektuese të AKU-së kanë realizuar gjatë 24 orëve të fundit 500 inspektime dhe monitorime në të gjithë vendin si pjesë të Taks-Forcës Anti-Covid.

Sipas AKU në çdo monitorim këmbëngulet nga ana e Taks-Forcës për zbatimin me përpikëri të protokollit të Sigurisë kundër përhapjes së virusit si higjienizimi ambienteve, mbajtja e detyruar të maskës në ambiente të mbyllura dhe ruajtja e distancës fizike. Sipas njoftimit në mungesë të këtij protokolli aq të nevojshëm në këtë periudhë, ndaj një subjekti është vendosur një masë administrative.

Po ashtu në njoftim thuhet se gjatë inspektimeve  është dhënë ndaj një subjekti një masë administrative për mungesë të higjienës së ushqimeve dhe është bërë bllokim i menjëhershëm i një pjese të këtij aktiviteti si dhe gjithashtu në disa subjekte të tjera ushqimore janë dhënë paralajmërime, për mungesë të rinovimit të librezës shëndetësore, mungesë të rinovimit të analizës së ujit dhe Planit 3 D.

Referuar Planit të Marrjes së Mostrave janë marrë 46 mostra kryesisht në monitorim të qumështit për analizim të ngarkesës mikrobike dhe të qelizave somatike.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.