Mungesë e stafit mjekësor në spitalet Rajonale, Manastirliu: Bonus deri në 2.5 mln lekë për mjekët
“Në Dibër dhe spitalet e tjera Rajonale do të plotësojmë mungesat e mjekëve specialistë duke aplikuar bonusin deri në 2.5 milion lekë”, deklaroi Ministrja e Shëndetësisë gjatë vizitës në spitalin e Peshkopisë.
Manastirliu u shpreh se brenda vitit që vjen ky spital do të pajiset me mamograf të ri, ekografi dhe te gjitha pajisjet e nevojshme falë projektit me Bankën Botërore, ndërsa theksoi se ky spital, brenda muajit Prill do të ketë instrumentet e rinj kirurgjikalë, që do t’i japin fund një herë e mirë infeksioneve spitalore.
Gjithashtu ministrja garantoi se 90 qendrat shëndetësore do të furnizohen me barna edhe gjatë kohës së dimrit kur zonat e thella bllokohen nga dëbora.
“Më vjen mirë që në Peshkopi shohim këtë situatë me barnat dhe dua të sjell në vëmendje edhe një angazhim tjetër të Ministrisë së Shëndetësisë dhe Mbrojtjes Sociale, për të garantuar që tani furnizimin me barna për 90 qendrat shëndetësore në zonat e thella malore për të gjithë periudhën e bllokimit nga dëbora apo moti i keq”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.