Mungesë e theksuar uji në botë – Ish ministri palestinez paralajmëron: Kërcënim i stabilitetit global

Ngrohja globale nuk prek të gjitha rajonet në të njëjtën mënyrë. Por mungesa e ujit në disa zona mund të ketë një ndikim global – duke çuar në paqëndrueshmëri më të gjerë dhe valë të reja emigrimi.

“Unë duhet të them se ndryshimi i klimës po ndikon tek reshjet,” është shprehur Dr Shadad Attili, ish-ministër palestinez i ujit. “Pra, edhe ndryshimi i modelit të reshjeve dhe kjo reflektohet gjithashtu tek fermeri që dikur mbillte të korrat. Ai varet nga reshjet. Uji është një e drejtë themelore e njeriut. Nëse njerëzit nuk kanë ujë, ata do të lëvizin në vendet ku ka ujë. Nëse njerëzit nuk kanë ushqim të mjaftueshëm, ata do të lëvizin në vendet ku ka ushqim dhe kjo do të krijojë një jostabilitet të brendshëm si dhe një destabilitet rajonal. Pra është serioze. Është vërtet serioze”.

Por nëse ka vullnet politik, a ka zgjidhje?

Sipas Attili duhet të ketë një Fond të Gjelbër dhe financimi duhet t’u mundësohet vendeve në zhvillim për të adresuar pasojat e ndryshimeve klimatike: përshtatjen, zbutjen dhe të gjitha gjërat.

Ish ministri palestinez i ujit shprehet se ne duhet të inkurajojmë rezervimet e ujit dhe të kemi një qeverisje më të mirë, sisteme vaditjeje bujqësore si dhe të reformojmë të gjithë sektorët.

“Për më tepër, ne duhet të reformojmë sektorin e ujit për të reduktuar humbjet dhe për të mbajtur çdo pikë uji në rajonin tonë.” EN

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.