Mungojnë pajisjet mjekësore – India po përballet me vështirësi të mëdha në valën e dytë të COVID-19
Sistemi i kujdesit shëndetësor në Indi po përballet me mungesat e furnizimeve mjekësore, përfshirë oksigjenin, mes një vale shkatërruese të dytë të infeksioneve të koronavirusit e cila vazhdon pa u ndalur. Për shkak të mungesës së shtretërve në spitale, shumë pacientë të konfirmuar me simptoma të lehta ose të moderuara të COVID-19 po detyrohen t’i nënshtrohen karantinës dhe trajtimit në shtëpi. Ndërkohë, disa raste të dyshuara që po shfaqin simptoma klasike COVID-19 por që nuk janë testuar, po marrin gjithashtu ilaçe nga farmacitë dhe po kurohen në shtëpi.
Kërkesa për ilaçe ka vënë në vështirësi farmacitë dhe po bën që çmimet e barnave dhe pajisjeve mjekësore të rriten.
Kërkesa për bombola oksigjeni është gjithashtu më e madhe nga sasia që disponohet. Edhe oksimetrat që matin nivelet e oksigjenit në gjak janë të vështira për t’u gjetur.
Qeveria ka ndaluar rishitjen e pajisjeve mjekësore duke përfshirë gjeneratorët e oksigjenit dhe bombolat e oksigjenit në tregun e zi, por një sjellje e tillë e paligjshme është e vështirë të hiqet. Lidhur me përfitimet, banorët dhe pacientët lokalë ndihen të zemëruar, por të pafuqishëm.
Qeveria indiane ka ndihmuar kompanitë e mëdha farmaceutike të rrisin kapacitetin e prodhimit dhe gjithashtu ka pezulluar eksportin e disa ilaçeve kryesore. Autoritetet kanë rritur gjithashtu importet e ilaçeve dhe pajisjeve përkatëse duke pezulluar taksat e importit dhe ato të brendshme, për të ndihmuar me furnizimet kryesore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.