Muri rrezikon të shembet mbi pallatin në rrugën Linzë-Dajt! Hapet tenderi për rehabilitimin

Në Agjencinë e Prokurimeve Publike është hapur tenderi për projektin “Rehabilitimi i Rrëshqitjes Mur Guri Gabion, Rruga Linze-Dajt”, që ndodhet në Njësinë Administrative Nr.12.  Në zonë është shfaqur dëmtim i murit ekzistues dhe muri ka humbur qendrueshmërinë e tij kryesisht nga rrëshqitja duke rrezikuar jetën e banorëve të pallatit ngjitur.

“Rrëshqitja ka sjellë edhe dëmtimin e mureve të gabionit dhe rrezikon të dëmtojë pallatin ngjitur. Gjatësia e zonës rrëshqitëse është me gjatësi rreth 50 m. Lartësia e zonës së mbushur arrin rreth 4 m deri në 4.5 m. Për këtë projekt nuk kemi vlerësim të sipërfaqes bimore pasi objekti që do të rehabilitohet nuk prek bimësi, nuk prek sipërfaqe pyjore dhe kullosore” shkruhet në dokumentet e tenderit.

Tenderi me vlerë 1.3 milionë lekë do të jetë i hapur deri me 24 shkurt 2020.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.