‘Mushkonja e dimrit’: Vjen nga Koreja dhe i reziston të ftohtit
Mushkonja koreane, e para që është aktive edhe në dimër mbërrin në Itali!
Një specie e re mushkonjash po përhapet me shpejtësi në Itali dhe në krahasim me të afërmit e saj ka një veçori më shumë që do ta bëjë problem shumë shpejt: ajo është në gjendje të tolerojë temperaturat e ulëta, dhe për këtë arsye të jetë aktive jo vetëm në verë, por për pothuajse gjatë gjithë vitit.
Alarmi ngrihet nga një ekip studiuesish nga universitetet e Milano dhe Pavia, të cilët në një studim shpjegojnë se si është Aedes koreicus, mushkonja koreane, e cila mbërriti në Itali disa vjet më parë në Veneto, duke u përhapur me shpejtësi në Lombardi, nga ku mund të zgjerohet në pjesën tjetër të vendit në vitet e ardhshme. Me të gjitha rreziqet që kjo sjell: jo vetëm bezdinë e përballjes me mushkonjat 365 ditë në vit, por mbi të gjitha faktin që këto insekte mund të jenë bartës të sëmundjeve.
Në vitin 1990 u vunë re shembujt e parë të mushkonjave tigër në Itali, e cila krahasuar me mushkonjat e zakonshme është aktive edhe gjatë ditës; dhe tani është radha e asaj që nuk e ka problem as të kafshojë e as të bëj zhurmë edhe kur është ftohtë. Njihet si mushkonja koreane sepse aty u përshkrua ekzemplari i parë, por Aedes koreicus është gjithashtu e përhapur në Kinë, Japoni, Rusi dhe, që nga viti 2008, edhe në Europë.
Gjatë një monitorimi të kryer në Lombardi në vitin 2020 në kërkim të specieve të reja pushtuese të huaja, ekipi nga Universiteti i Milanos mblodhi rreth 6,000 larva dhe qindra vezë mushkonjash; dhe ai gjeti rreth pesëdhjetë ekzemplarë të Aedes koreicus, pothuajse të gjitha në zonat midis provincave të Bergamos dhe Brescias.
Hipotezat e mundshme janë se ai ka udhëtuar me ajër, duke u ulur në Itali në aeroportin Orio al Serio, ose se është sjellë në zonë nga Zvicra ose nga Veneto. Popullsia e re e Bergamos, sipas studimit, po lëviz me shpejtësi në jug dhe kërcënon të infektojë edhe pjesën tjetër të Italisë. FOCUS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.