Mushkonjat “mësyjnë” plazhet Manastirliu: Dezinsektim nga veriu në jug, mbyllet procesi në Divjakë
Pas ankesave të shumta të ngritura nga pushuesit e Divjakës, mbi mungesën e dezinsektimit kundër mushkonjave, ministrja e Shëndetësisë dhe Mbrojtjes Sociale, Ogerta Manastriliu thotë se tashmë ka përfunduar procesi në zonat më problematike, sikurse është Divjaka, Darëzeza apo Semani. Ndërkohë që, dezinsektimi në të gjithë zonat bregdetare do të përfundojë në muajin tetor.
Deklaratat e Manastirliut u bënë nga Shëngjini, ku ministrja inspektoi qendrën shëndetësore verore, të hapur për sezonin turistik. Deri më tani janë 9600 pishës që kanë marrë shërbim në qendrat e posaçme, ndërkohë që shërbimi në territor po koordinohet nga Urgjenca Kombëtare, me numrin unik 127.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.