Musk kundër Zuckerberg: Dy bilionerët ‘përplasin’ këdvështrimet për mbylljen e Amerikës

Gjigandët e teknologjisë së Silicon Valley janë ndër të paktët fitues nga pandemia globale. Çmimet e tyre të aksioneve janë duke u mbajtur ose madje duke u rritur përpara pasi investitorët vunë bast që ata do të dalin nga kriza edhe më të fortë.

Por Covid-19 ka vendosur gjithashtu në qendër të vëmendjes dy sipërmarrës të teknologjisë me qëndrime rrënjësisht të ndryshme në betejën për të kontrolluar virusin: Elon Musk dhe Mark Zuckerberg.

Kontrasti u pa në mënyrën se si dy burrat trajtuan atë që është zakonisht mjedisi i matur, mbase edhe i përgjumur, i një thirrje konferencë të analistëve pas rezultateve të fundit të tyre financiare.

Për javët e fundit, themeluesi i Tesla ka bërë pastime gjithmonë e më të ashpra, në rrjete sociale kundër masave kufizuese.

Së pari ai shprehu skepticizëm për kërcënimin nga koronavirusi. Pastaj dënoi ato që shihte si masa të tepërta për ta luftuar atë.

Bllokimi në Kaliforni solli mbylljen e fabrikës së tij kryesore të prodhimit në Fremont dhe Z. Musk dëshiron që ajo të hapet përsëri.

“Bravo Texas!”, – shkruajti Musk në Tëitter duke e lidhur me raportimet se shteti kishte liruar kufizimet.

Pastaj erdhi një deklaratë e madhe me shkronja të mëdha: JEPINI AMERIKËS LIRINË E SAJ.

Pamja e kundërt

Ndërkohë, themeluesi i Facebook ishte duke folur për rezultatet e fundit të kompanisë së tij, i cili pati një rënie të fitimeve, por prapë arriti të kënaqte investitorët pavarësisht një paralajmërimi se biznesi “po përballet me një periudhë të pasigurisë së paparë”.

Gjuha e Mark Zuckerberg në thirrjen e tij në konferencë me analistët nuk ishte aq e gjallë sa ajo e Elon Musk.

Por ai ishte mjaft i sinqertë në avancimin e një këndvështrimi të kundërt me themeluesin e Tesla. Një nxitim për t’u kthyer në normalitet ishte një ide me të vërtetë e keqe si për shëndetin publik, ashtu edhe për ekonominë, tha ai.

“Ndërsa ka kosto masive shoqërore nga kufizimet aktuale të strehimit, unë shqetësohem që rihapja e vendeve të caktuara shumë shpejt para se normat e infeksionit të jenë ulur në nivele shumë minimale, pothuajse do të garantojnë shpërthime në të ardhmen dhe do të përkeqësojnë rezultatet shëndetësore dhe ekonomike afatgjata. ”

Tani mund të thuash se është më e lehtë për Mark Zuckerberg të marrë këtë qëndrim – punonjësit e tij mund të bëjnë një punë mjaft të mirë për të mbajtur Facebook duke punuar nga shtëpia, ndërsa stafi i Tesla nuk do të ndërtojë ndonjë veturë në oborret e tyre.

Ndërsa firma e mediave sociale mund të shqetësohet për një rënie në reklamat, është shumë më mirë se bizneset e mediave të vjetra për të rregulluar rënien. Çmimi i saj i aksioneve, i cili është ulur vetëm modestisht që nga shkurti, e pasqyron këtë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.