Musk planifikon të ndërtojë një tunel në stadiumin Dodger – Do të transportojë tifozët në 4 minuta

Kompania Boring e Elon Musk ka propozuar ndërtimin e një tuneli nëntokësor ndërmjet Stadiumit të Dodger dhe sistemit të metrosë në Los Angeles. Sipas kompanisë, udhëtimi do të zgjasë më pak se katër minuta dhe do të kushtojë rreth 1 dollarë për çdo tifoz. Automjetet elektrike pa shofer pritet të transportojnë rreth 1400 tifozë përmes tunelit.

Stadiumi Dodger pret 81 ndeshje të planifikuara në vit, pa numëruar ato që zhvillohen në fazën playoff dhe evenimente të tjera. Kompania Boring, e cila është një nga projektet e tjera të kreut të Tesla dhe SpaceX, tashmë po teston një tunel të tillë në Hawthorne dhe ka fituar një ofertë për një shërbim të anijes nëntokësore midis aeroportit O’Hare dhe qendrës së Çikagos.

Stadiumi i Dodger është i vendosur midis një parku dhe një autostrade pa pagesë dhe zona e rrethuar ‘vuan’ nga trafiku i rënduar. Kryebashkiaku i Los Angeles e cilësoi këtë ide një shembull të mirë të partneritetit publik-privat. Propozimi pritet të diskutohet më 28 gusht në një takim publik

Aktualisht po zhvillohen dëgjesa publike lidhur me projektin si dhe takime me këshillin e qytetit. Dëgjesat publike ku do të diskutohet propozimi do të nisin  nga data 28 gusht dhe do të përfundojnë më 17 shtator.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.