Muslimanët falen në Kishë – Berlin, vende të pamjaftueshme në xhami për shkak të distanicmit social
Virusi sars-cov-2 ka ndryshuar rrënjësisht mënyrën se si ne jetojmë, në thuajse çdo aspekt të saj, e në thuajse çdo cep të globit. Diçka e tillë vihet re mjaft mirë dhe te kultet fetare. Një kishë në Berlin ka hapur dyert për besimtarët muslimanë për faljen e së premtes, duke qenë se në xhami nuk ka vend mjaftueshëm për të gjithë besimtarët në një kohë që duhet respektuar edhe distancimi social.
Objektet e kultit nuk mund të strehojnë më shumë se 50 besimtarë njëherësh sipas rregullave në Gjermani. Gjatë muajit të shenjtë të Ramazanit, kisha luterane e Marta-s në Berlin, e gjendur pranë xhamisë Dar Assalam, ofroi ndihmë për besimtarët, duke mbajtur faljet në arabisht por edhe gjermanisht.
“Është një shenjë e madhe që sjell gëzim gjatë Ramazanit dhe gëzim pavarësisht krizës”-thotë Mohamed Taha Sabry, Imami i xhamisë, i cili i hapi rrugës faljes së besimtarëve muslimanë përballë virgjëreshës Mari. “Kjo pandemi na ka bërë neve një komunitet. Krizat i bëjnë njerëzit bashkë”-shton ai. Vendet e kultit janë hapur në Gjermani më 4 maj. “Është një ndjenjë e çuditshme në fillim, për shkak të instrumentave muzikore apo pikturave, por po të shohësh më tej i harron këto detaje, kjo është shtëpia e Zotit në fund dhe të gjitha njësoj janë”-shprehet një besimtar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.