Nafta bie prej komenteve të Moderna – Çmimet humbasin 3% prej shqetësimeve mbi efektshmërinë e vaksinave
Çmimet e naftës ranë me mbi 3% në tregtinë e ditës së Martë, pasi ekzekutivi i Moderna paralajmëroi mbi efektshmërinë e vaksinave kundër variantit Omicron, duke trembur investitorët. Stephane Bancel, krehu i moderna, tha se vaksiante Covid-19 nuk ka gjasa të jenë aq efektive me Omicron se sa me variantin Delta. Nafta Brent e Londrës ra me 2.32 dollarë apo 3.2% në 71.12 dollarë për fuçi, pasi preku nivelin më të ulët që prej 1 Shtatorit prej 70.52 dollarë. Nafta Bruto Amerikane ra me 2.15 dollarë apo me 3.1% në 67.8 dollarë për fuçi, duke u rimëkëmbur lehtë nga niveli më i ulët që prej 26 Gushtut prej 67.06 dollarë.
Komentet e ekzekutivit të Moderna ishin thjesht një katalizator për tregun që ka qenë i dobët, sipas analistëve. Nafta ra me 12% ditën e Premte, prej shqetësimeve se varianti Omicron do të sjellë masa të reja të karantinës dhe cënojë rimëkëmbjen botërore. Organizata Botërore e Shëndetësisë theksoi se Omicron përbën një rrezik shumë të lartë të rritjes së infeksioneve dhe shumë vende kanë përshpejtuar mbylljen e kufijëve.
Ndërkohë që perspektiva e kërkesës është zbehur, janë rritur pritshmëritë që Organizata e Vendeve Eksportuese të Natës të ndalojnë planet për të shtuar prodhimin me 400,000 fuçi në ditë në Janar. OPEC ndodhej dhe më parë nën presion, përpara takimit të 2 Dhjetorit, pas nxjerrjes së rezervave strategjike të naftës në treg nga Shtetet e Bashkuara dhe ekonomi të tjera të mëdha. Një tjetër faktor që po ndikon tregjet është perspektiva e rikthimit të eksporteve nga Irani, pas komenteve pozitive të diplomatëve, ndërkohë që rinisën bisedimet ditën e Hënë me fuqitë botërore dhe Iranin, për paktin bërthamor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.