Nafta Brent tregtohet në rreth 112 dollarë – SHBA po negocion me Venezuelën për të blerë naftë!

Nafta po qëndron në rritje të lehtë në sesionin e sotëm dhe një mbështetje po e gjen nga shpresat se kërkesa do të rimëkëmbet ndjeshëm në Kinë, pasi autoritetet të heqin masat kufizuese të Covid-19.

Dy bençmarkët kryesorë po tregtohet lehtë mbi nivelin e 112 dollarëve për fuçi, ndërsa në sesionin e kaluar aziatik humbën rreth 2 dollarë. Referuar të dhënave në SHBA, nga Instituti Amerikan i Naftës rezervat e naftës bruto dhe të benzinës shënuan rënie gjatë javës së kaluar. Gjithsesi, investitorët po presin të dhënat zyrtare nga administrata amerikane, që publikohen më vonë gjatë ditës së sotme.

Ndërkohë, prodhimi në Rusi ra me rreth 9% gjatë muajit prill, dhe vendi, që është pjesë e grupit të OPEC+, prodhoi shumë më pak se niveleve të kërkuara nga marrëveshja me kartelin. Ndërkohë, sipas raportimeve, qeveria amerikane do të lejojë kompaninë Chevron të negociojë licencat e naftës me kompaninë shtetërore të naftës në Venezuelë, për të hequr përkohësisht sanksionet.

Në Europë, ndërkohë, Bashkimi Europian dështoi të bindë Hungarinë për të hequr veton ndaj embargos të propozuar ndaj naftës ruse. Por, disa analistë shprehen se do të jetë samiti i 30 dhe 31 majit, i cili do të jetë vendimtar në arritjen e një marrëveshje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.