Nafta i “reziston” rritjes së Omicron – Çmimet ndodhen në rritje për mbi 5 ditë prej fuqizimit të kërkesës
Nafta është rritur në tregtinë e së Enjtes, duke zgjeruar disa ditë të rritjeve, nxitur nga të dhënat që tregojnë se kërkesa amerikane për karburant po mbahet e fortë, pavarësisht rritjes së rasteve me Omicron. Nafta Brent e Londrës u rrit me 0.3%, në 79.47 dollarë për fuçi në nisje të tregtisë, duke u rritur për të 4-n ditë radhazi. Nafta bruto amerikane u rrit me 0.3% gjithashtu, në 76.82 dollarë për fuçi, në ditën e 7 radhazi të rritjeve.
Nafta u rrit në mbrëmjen e kaluar falë rënies më të madhe se sa pritej e inventarëve të naftës dhe benzinës në SHBA, si dhe zbutjes së shqetësimeve për Omicrion, sipas analistëve. Administrat e Informacionit për Energjinë tregoi se inventarët e naftës bruto ranë me 3.6 milionë fuçi në javën që përfundoi më 24 Dhjetor, që ishte më shumë se sa prisnin analistët. Inventarët e benzinës ranë gjithashtu, ndryshe nga pritshmëritë për rritje, ç’ka tregonse kërkesa qëndron e fortë, pavarësisht rritjes rekord të rasteve më SHBA.
Çmimet e naftës morën gjithashtu mbështetje nga hapat e qeverisë për të limituar ndikimin e infeksioneve tek rritja ekonomike, duke zbutur rregullat e testimit. Organizata e Vendeve Eksportuese të Naftës do të takohet më 4 Janar për të vendosur mbi mbajtjten e premtimit për të rritur prodhimin me 400,000 fuçi në ditë. Nafta është rimëkëmbur me 50-60% në vitin 2021, ndërkohë që kërkesa për karburant është rritur pranë niveleve të para pandemisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.