Nafta rimëkëmbet në sesionin e dytë – Merr vrull nga inventarët e ulët. Limitohet nga shqetësimet mbi kërkesën

Nafta është rimëkëmbur nga nisja e dobët e javës prej shqetësimeve mbi inventarët e ulëta, pavarësisht se problemet me kërkesën vazhdojnë, pas rritjes së rasteve me Covid-19 në Europë. Nafta Brent e Londrës u rrit me 1.2% në 83.01 dollarë për fuçi, ndërsa nafta bruto amerikane (WTI), shtoi 1% në 81.68 dollarë për fuçi. Analistët thonë se nivelet e inventarëve janë të ulët dhe nëse Dimri rezulton i ftohtë dhe OPEC përmbahet ndaj rritjes së prodhimit, çmimet mund të rriten mëtej.

Tregjet e naftës qëndrojnë shumë të ngushta ndërkohë që kërkesa po rikthehet në nivele të pandemisë, sipas ekzekutivit të firmës së lëndëve të para Trafigura, Jemery Ëeir.   Nafta në Rusi që eksportohet drejt azisë arriti primet më të larta spot në 22 muaj për ngarkesat e Janarit, duke zgjeruar rritjet për të katërtin muaj radhazi, ndërkohë që kërkesa e fortë dhe marzhet e rafinimit po mbështesin çmimet.

Europa është bërë përsëri epiqendra e pandemisë, duke nxitur disa qeveri që të konsiderojnë rivendosjen e masave të karantinës, ndërkohë që Kina po lufton me vatrën më të madhe që prej fillimit të Covid-19, prej variantit Delta.  Organizata e Vendeve Eksportuese të Naftës shkurtoi javën e kaluar projeksionet për kërkesën botërore të naftës për tremujorin e katrët me 330,000 fuçi në ditë, ndërkhë që çmimet e larta të energjisë kanë frenuar rimëkëmbjen ekonomike nga pandemia.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.