Nafta rritet me rreth 3% – Dyshime për sulme ndaj tankerave në Gjirin e Omanit
Çmimet e naftës janë rritur me rreth 3% gjatë sesionit të sotëm, për shkak të shpërthimit të një tankeri në Gjirin e Omanit, pranë bregdetit të Iranit. Sipas informacioneve, tankeri ka përsuar dëme të mëdha nga zjarri, ndërsa ekuipazhi është evakuuar.
Tankeri kimik Kokuka, që ishte ngarkuar në Arabinë Saudite dhe kishte si destinacion Singaporin, u përfshi nga flakët në të njëjtën kohë me tankerin Front Altair. Shkaku i zjarrit mbetet ende i paqartë, por ka rikthyer frikën e sulmeve vetëm disa javë pas pretendimeve për sabotazh ndaj anijeve në rajon. Sipas informacioneve, 21 anëtarët e ekuipazhit e braktisën anijen për shkak të sigurisë, dhe u shpëtuan nga menjëherë nga një anije e rastit dhe nga një anije shpëtimi.
Tankeri ishte rreth 14 milje detare larg brigjeve të Iranit dhe 70 milje nga Emiratet e Bashkuara Arabe. Ky vend ishte në qendër të sulmeve muajin e kaluar ndaj katër anijeve, që Shtetet e Bashkuara akuzuan Iranin. Ndërkohë, tankeri Front Altair, i ngarkuar nga korporata shtetërore e Tajvanit, do ngarkohej me “naphta”, që është një lëndë petrokimike, që ishte nisur nga Gjiri Pesik dhe kishte destinacion Japoninë.
Operacioni i Tregtisë Detare të Mbretërisë së Bashkuar, që është një degë e Marinës Mbretërore Britanike, deklaroi se po investigon incidentin dhe bëri thirrje për kujdes të madh në një kohë të rritjes së tensioneve mes Iranit dhe Shteteve të Bashkuara.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.