Nafta, sesioni i pestë në rritje – Parashikimi për rritjen e kërkesës mbështet çmimet
Çmimet e naftës kanë zgjeruar fitimet gjatë ditës së sotme, duke u rritur për të pestin sesion me radhë. Parashikimet për një kërkesë të fortë dhe marrëveshjet informale midis OPEC dhe prodhuesve amerikanë të naftës në takimin e zhvilluar në Houston kanë mbështetur çmimet.
Nafta Brent e Londrës po tregtohet në rreth 65.7 dollarë për fuçi, ndërsa nafta Bruto amerikane po tregtohet në rreth 62.7 dollarë për fuçi.
Agjencia Ndërkombëtare e Energjisë deklaroi të hënën se, kërkesa parashikohet të rritet gjatë 5 viteve të ardhshme, ndërsa prodhimi nga Organizata e Vendeve Prodhuesve të Naftës do të rritet me një hap të ngadaltë.
Agjencia deklaroi se, Shtetet e Bashkuara të Amerikës do të plotësojnë rritjen e kërkesës globale për naftë, gjatë kësaj periudhe, pasi parashikohet një rritje e prodhimit të naftës argjilore në mbi 10 milionë fuçi në ditë.
Ndërkohë, ministrat e OPEC, firmat amerikane të naftës argjilore dhe liderët e tjerë të kësaj industrie, zhvilluan një takim në Houston, më i madh në botë në llojin e vet.
Ky takimi vjen në një kohë të uljes së prodhimit nga OPEC dhe Rusia, nga njëra anë, dhe nga rritja e prodhimit të Shtetet e Bashkuara, nga ana tjetër.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.