Nafta thellon humbjet – Furnizimi rritet më shumë se kërkesa
Çmimet e naftës kanë rënë ndjeshëm në sesionin e sotëm dhe pritet të publikojnë rënien më të madhe mujore që nga viti 2014. Rënia vjen pavarësisht përpjekjeve të OPEC për të ulur prodhimin, në mënyrë që të parandalojnë një rënie të çmimeve.
Furnizimi i tregut, i kryesuar nga Shtetet e Bashkuara, por rritet më shpejt se kërkesa, duke bërë që edhe rezervat e naftës në rriten ndjeshëm. Ndërkohë, në takimin e 6 dhjetorit, vendet anëtare të OPEC dhe Rusia pritet të diskutojnë një ulje të prodhimit.
Por, kjo nuk ka ndikuar aspak në parandalimin e rënies së çmimeve, që kanë humbur rreth 20% të vlerës vetëm për muajin nëntor dhe publikojnë rënie për të shtatën javë me radhë.
Nafta Brent e Londrës ka humbur rreth 4% të vlerës vetëm në sesionin e sotëm dhe po tregtohet pranë 60 dollarëve për fuçi, niveli më i ulët që nga nëntori i vitit 2017.
Nafta Bruto amerikane ka rënë me rreth 5% dhe tregtohet pranë 51.7 dollarëve për fuçi. Edhe paqëndrueshmëria në treg është ngjitur në mbi 60%, niveli më i lartë që nga fundi i vitit 2016.
Agjencia Ndërkombëtare e Energjisë parashikon se, prodhimi nga vendet që nuk janë anëtare të OPEC do të rritet me 2.3 milionë fuçi në ditë, gjatë këtij viti, nga 1.8 milionë fuçi që parashikohej 6 muaj më parë.
Në anën tjetër, kërkesa parashikohet të rritet me një hap më të ngadaltë, prej 1.3 milionë fuçi në ditë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.