Nafta tregtohet e qëndrueshme – Çmimet rriten lehtë, pavarësisht shqetësimeve të Omicron
Nafta është tregtuar e qëndrueshme ditën e Mërkurë, me investitorët që presin për tregues mbi kërkesën, në një kohë që shqetësimeve të Covid-19, pasi Singapori pezulloi udhëtimin pa karantinë dhe Australia rinovoi fushatën e vaksinimit, për shkak të rritjes së rasteve me Omicron. Nafta Brent u rrit me 0.1% në 74.06 dollarë për fuçi, pasi shto 3.4% në tregtinë e kaluar. Nafta Bruto amerikane u rrit me 0.3% në 71.36 dollarë për fuçi, pasi shtoi 3.7%. Ekzekutivi i Moderna, Stephane Bancel theksoi ditën e Martë se kompania nuk pret ndonjë problem në zhvillimin e dozës nxitëse për t’u mbrojtur kundër variantit Omicron dhe se puna mund të nisë brenda pak javëve.
Në një tjetër tregues pozitiv, inventarët e naftës bruto në SHBA regjistruan një rënie më të madhe se sa pritej. Instituti Amerikan i Naftës bëri të ditur se inventarët e naftës bruto ranë me 3.7 milionë fuçi në javën që përfundoi më 17 Dhjetor, krahasuar me 2.8 milionë fuçi që prisnin analistët. Nga ana tjetër, Singapori deklaroi se do ndalojë të gjithë shitjet e biletave për fluturimet dhe autobusët nga 23 Dhjetori më 20 janar, duke përmendur rreziqe të Omicron. Kufizimi i lëvizjeve në botë rrit shqetësimet për një rënie të kërkesës për karburant. Gjermania, Irlanda, Holanda dhe Korea e Jugut, janë ndër vendet që kanë rivendosur karantinë të plotë apo të pjesshme. Në anën e ofertës, investitorët po presin takimin e OPEC më 4 Janar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.