Nafta tregtohet e qëndrueshme – Rimëkëmbet nga rënia e djeshme pas aktivizimit të rezervave strategjike
Nafta është tregtuar e qëndrueshme në tregtinë e së Enjtes, pasi ra në sesionin e kaluar prej shqetësimeve se rritja e inflacionit në Shtetet e Bashkuara, nxitur nga kostot e energjisë, mund të nxisë qeverinë që të lëshojë më shumë rezervat strategjike, për të ulur çmimet. Nafta Brent u rrit me 0.2% në 82.78 dollarë për fuçi, ndërsa nafta bruto amerikane, u rrit me 0.2% në 81.52 dollarë për fuçi.
Një ditë më parë, nafta Brent ra me 2.5%, ndërsa nafta bruto amerikane humbi 3.3%, pasi raportimet se inflacioni në SHBA u rrit me normën më të shpejtë në 30 vite nxitën dollarin amerikan dhe inventarët e naftës bruto amerikane, që është konsumatori më i madh në botë, u rritën pasi qeveria futi në treg një pjesë të rezervave strategjike. Të dhënat e së Mërkurës treguan një rritje të çmimeve në SHBA me 6.2% me bazë vjetore. Dollari u rrit prej pritshmërive se veprimet nga Shtëpia e Bardhe dhe Rezerva Federale për të frenuar çmimet, mund të sjellë një normë më të lartë të interesave dhe shtrëngimin e politikave monetare.
Nafta zakonisht ecën në mënyrë të zhdrejtë me dollarin. Presidenti Joe Biden tha se i ka kërkuar Këshillit Ekonomik Kombëtar që të punojë për të reduktuar kostot e energjisë dhe Komisionit Federal Tregtar që të trajtojë manipulimet në sektorin e energjisë për të përmbysur inflacionin. Inventarët e naftës bruto u rritën javën e kaluar prej injeksionit të rezervave strategjike dhe inventarët e benzinës ranë gjithashtu, sipas Administratës së Informacionit mbi energjinë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.