Nafta zgjeron fitimet. Të dhënat në SHBA tregojnë rritje të rezervave javën e kaluar
Nafta po qëndron në rritje të konsiderueshme në sesionin e sotëm, pasi të dhënat e industrisë në Shtetet e Bashkuara treguan një rënie të konsiderueshme të rezervave të naftës. Megjithatë, investitorët po tregtohen të kujdesshëm për shkak të rezultatit të ngushtë në zgjedhjet presidenciale në SHBA. Nafta Bruto amerikane po tregtohet në rreth 38.5 dollarë për fuçi, ndërsa nafta Brent e Londrës po tregtohet në rreth 40.7 dollarë për fuçi.
Javën e kaluar, çmimet e naftës ranë me rreth 10% për shkak të rritjes së infektimeve me koronavirus në shumë vende të botës, që detyruar qeveritë të rikthejnë kufizimet. Por, në tre sesionet e fundit, nafta thuajse i ka rikuperuar këto humbje. Referuar të dhënave jozyrtare të publikuara nga Instituti Amerikan i Naftës, rezervat e naftës bruto ranë me 8 milionë fuçi gjatë javës së kaluar, në totalin e 487 milionë fuçive. Analistët e anketuar nga Reuters parashikonin një rritje me rreth 890 mijë fuçi. Ndërkohë, investitorët janë të fokusuar edhe të rritja e infektimeve me Covid-19. Gjithmonë e më tepër kufizime po vendosen nga qeveritë për të parandaluar përhapjen e virusit, dhe së fundmi Italia, Norvegjia dhe Hungaria i janë bashkuar Mbretërisë së Bashkuar, Francës dhe shumë vendeve të tjera.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.