Naim Hasa: ”Skema e pensionit privat ka avantazhe mbi atë shtetëror”- Ja cilat janë avantazhet
I ftuar në ‘’Argument’’ për të folur rreth rritjes së pensioneve ishte edhe Naim Hasa, drejtor i fondit të pensioneve SIGAL. Sipas tij, pensionet janë trashëguar të ulta, me gjithë ndërhyrjet e njëpasnjëshme, por skema e pensioneve kërkon një vëmendje të vecantë, pra një politikë specifike, edhe pse buxheti shtetit financon një pjesë të kategorive të shpenzimeve që ka cdo pensionist.
”Por cdo person i cili ka dëshirë të ketë një pension më të lartë, sot ka mundësi të zgjedhë pensionin privat, i cili ofron më shumë të ardhura, dhe rrjedhimisht plotëson kushte më të larta jetese. Kjo është një skemë vullnetare, lehtësisht e aplikueshme nga cdo qytetar, pa hequr dorë nga pensioni shtetëror i cili është i detyrueshëm.
Skema private ka një sërë favoresh, ku cdo individ del 5 vite më parë në pension, sesa mosha e përcaktuar për pensionin shtetëror; nuk është kusht që secili të ketë minimalisht 15 vite punë për të përfituar një pension dhe mbi të gjitha pensioni është i trashëgueshëm.”- shpjegon Hasa.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.