NASA: Asteroidi gjigant do të bëjë kalimin e tij më të afërt me Tokën javën e ardhshme!

Një asteroid që vlerësohet të jetë një kilometër i gjatë do të fluturojë pranë Tokës më 18 janar. Ai do të kalojë brenda 1.93 milionë kilometra nga planeti ynë, duke lëvizur me 19.56 kilometra në sekondë, sipas Qendrës së NASA-s për Studimet e Objekteve Afër Tokës, e cila gjurmon kometat dhe asteroidët potencialisht të rrezikshëm që mund të përplasen me planetin tonë.

Asteroidi që po afrohet njihet si 7482 (1994 PC1) dhe u zbulua në vitin 1994, sipas NASA-s. Askush nuk pret që 7482 (1994 PC1) të godasë Tokën, por është distanca më afërt që asteroidi do të arrijë për dy shekujt e ardhshëm, sipas parashikimeve të NASA-s. Fluturimi pritet të bëhet të martën më 18 janar në orën 16:51. ET.

Nuk do të jetë asteroidi më i madh që ka kaluar ndonjëherë pranë Tokës. Ky nder i përket asteroidit 3122 Florence (1981 ET3), i cili fluturoi pranë dhe humbi përplasjen me Tokën më 1 shtator 2017  dhe ai pritet të bëjë një tjetër kalim përsëri më 2 shtator 2057.

Ndërsa 7482 (1994 PC1) nuk ka gjasa të jetë i dukshëm me sy të lirë, astronomët amatorë me një teleskop të vogël duhet të jenë në gjendje ta dallojnë atë, sipas faqes së internetit EarthSky.com. Në shtator të këtij viti, një anije kozmike e NASA-s do të përplaset qëllimisht me një asteroid për të ndryshuar lëvizjen e tij në hapësirë ​​– testimi i teknologjisë së zhvilluar për të shmangur një goditje asteroidi.

I njohur si misioni DART, ose Testi i Ridrejtimit të Dyfishtë të Asteroidit, anija kozmike synon Dimorphos, një hënë e vogël që rrotullohet rreth asteroidit Didymos afër Tokës. Objektet pranë Tokës janë asteroidë dhe kometa me orbita që i vendosin brenda 48 milionë kilometra nga Toka. Zbulimi i kërcënimit të objekteve afër Tokës, ose NEO-ve, që mund të shkaktojnë dëme të rënda është fokusi kryesor i NASA-s dhe organizatave të tjera hapësinore anembanë botës. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.