Nasa dhe SpaceX nisin raketën e radhës – Misioni “Crew 3” dërgon 4 astronautë të tjerë drejt ISS

NASA dhe SpaceX, kompania private e raketave e Elon Musk, kanë nisur 4 astronautë të tjerë në një fluturim drejt Stacionit Ndërkombëtar Hapësinor (ISS), përfshirë një veteran të qëndrimit në hapësirë, një shkencëtar gjerman të materialeve dhe 2 të tjerë më të rinj, të zgjedhur për t’iu bashkuar misioneve të ardhshme hënore të NASA.  Raketa e ndërtuar nga SpaceX, që përbëhet nga një kapsulë Crew Dragon, e vendosur sipër një rakete Falcon 9, u ngjit në qiellin e natës nga Qendra Hapësinore Kennedy në Florida, ndërkohë që 9 motorrat Merlin u ndezën në orët e para të mëngjesit të së Enjtes.

Tre astronautët amerikanë dhe homologu nga Agjencia Europiane Hapësinore, pritet të mbërrijnë në stacion, pasi të orbitojnë 400 km sipër Tokës, gjatë Mbrëmjes, në një fluturim prej rreth 22 orë.  Fluturimi shënon ekuipazhin e 3-të operaconal të dërguar në orbitë në një kapsulë Dragon që kur Nasa dhe SpaceX u bashkuan për të rinisur fluturimet nga toka Amerikane në vitin e kaluar, pas një ndalese 9-vjeçare në fund të programit hapësinor në SHBA në vitin 2011.

Ky është fluturimi i 4-t me ekuipazh në 17 muaj nën partneritetin publik- privat të NASA me SpaceX,kompanisë së themeluar nga Elon Musk në vitin 2002.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.